do daz der chaiser horte, do sprach er an dem worte: 5165 ‘zeglicher weise ouch mir geschach: do ich sein antlutz an sach, daz wan nach im entworfen ist, do wart ich an der selben vrist gar wol gesunt und hail 5170 unt shönes leibes sunder mail.’ do wundert diser maere alle die Romre, die fürsten sprachen alle gelich: ‘er mack wol sein genaden reich 5175 der so manige groze tat mit zaichen hie begangen hat.’ der chaiser sprach: ‘nu ratet [192a] mir, ir edel fürsten (daz ist mein gir), wie ich gebre um den man 5180 der ditz mort hat getan an Jesu dem hailer, der mich von meiner swäre und vil manigen erlöst hat; dar umbe so gept mir iwern rat.’ 5185 Vespasianus do sprach (dem was mit zorn gegen im gah): ‘du solt über mer senten und den morder sehenden, haiz in gevangen pringen her.’ 5190 du sprach diser und der, fürsten und chnechte: er het geraten rechte. der chaiser do cehande potten über [192 b ] sande 5195 und hiez Pylatum vahen. die potten begunden gaben, zu der verte was in not, si taten daz ir herre gebot, du si über mer quamen 5200 und si verre vernamen wa Pilatus wre, dem si da waren vil ummre, do giengen si hin unt viengen in unt furten in gegen Rome hin. 5205 do si zeRome quamen und ez die leute vernamen, der chomen vil geloufen dar unt namen des wutreichs war als ob er wre wilde; 5210 durch daz vil groze umpilde des er vil het getan, ]193a] durch daz wunder sahen si in an. cehove man in prachte; dem chaiser daz versmahte 5215 daz er in she. er hiez in gar smaehe in einen starchen charcher legen unt hiez sein hertechlichen phlegen. niemen sprach sein wort da wol, 5220 der hof wart schir von leuten vol, die trügen im alle grozen haz. der chaiser an daz gerith saz; man gebot dar alten unt jungen, der vil cehove drungen, 5225 vil der chunige und ir chnechte unt ir chrone sah man da sitzen shone, manigen fürsten man [193 b ] sach. der chaiser zu in allen sprach: ‘ir chunige, ir fürsten als ir hie seit, 5230 des hoves er an iu leit: 5167. wan verderbt? K. 5194. mer fehlt, erg. v. K. 5225. I. vil der chunige under ir chrone K.