82 von Got ein güt gepet. 5295 Got herre, gip mir daz ich dich muze erchennen unt ouch mich! herre, ich han gesundet dir. durch dein gute so gib mir rechten gelauben unt wäre rewe, 5300 durch dein vterliche triwe vergibe mir mein misetat, durch deyne erbaermde unt durch dei[l96a/ner genaden rat, durch alle deine namen here, durch deiner muter ere, 5305 durch allez himelische her: hilf mir daz ich die sei erner. tu ez, herre, durch allez daz gepet daz ie mensch zu dir getet. la mich geniezen, herre Christ, 5310 daz dich lopt allez daz der ist; durch deyne geschephde alle ner mih vor des tivels valle, durch elliu wunder diu du hast begangen und ouch noch begast: 5315 so lose mich ouz aller not durch deinen menschlichen tot; und la dir uf die genade dein die [196>>] christenhait enpholhen sein, si sein lebentic oder tot: 5320 so hilf in uz aller not. amen. 5302. deiner] deine Hs.; oder ist durch deiner überhaupt zu streichen ?