MICHAŁ NAWKA Michał Nawka je najstarši z dźensnišich našich spiso- waćelow a rĕčespytnikow. Rodźeny 1. 1885 w Radworju, kubłany w lubosći k swojemu serbskemu ludej, za kotre- hož traće a kćĕće dźĕłać je ž' jeho žiwjenskim hesłom, bĕše tam tež w 1. 1908 — 1937 ź wučerjom. L. 1937 wuhnachu jeho fašisća do Kamjenicy. Po wojnje so wroći hnydom do serbskeho dźĕła. L. 1946 bu z direktorom prĕnjeho serbskeho wučerskeho wustawa. L. 1949 po- wołachu jeho za lektora serbšćiny na uniwersitu Karla Marxa w Lipsku. Michał Nawka wuda mjez mnohimi druhimi dźĕłami ,,Přewodnik po serbšćinje“, čitanku ,,Na wsy — za wsu“, zhromadnje z Bjarnatom Krawcom spĕwnik ,,Chwatajće, ale spĕwajće", „Raj rĕče“. W 1. 1909 — 1910 redigowaše ,,Serbskeho hospodarja". Dźensa rediguje ,,Katolski posoł“ a je w redakciji ,,Rozhlada“. Mnohe jeho basnje za dźĕći znajemy z ,,Płomjenja“ abo z našich nowych čitankow. Jako znajer słowjanskich rĕčow M. Nawka tež mnoho přełožowaše. Najwuznamniši drje je jeho přełožk Gogo- loweho „Rewizora“.