JURIJ BRĔZAN lawreat Narodneho myta Jurij Brĕzan narodźi so 1. 1916 we Worklecach jako syn skałarja. Na Budyskim gimnaziju njesmĕdźeše maturować dła „statej njepřećelskeho zmyslenja“. Ćekny před gesta- pom do Čĕskosłowakskeje aPolskeje, hdźež złoži swoj abi- tur. L. 1938 so wroći do Łužicy, zo by organizował tu anti- fašistiski boj. Bu zajaty. Po pušćenju dźĕłaše w ratarstwje. Nawroćiwši so z jatby w lĕće 1946 zapřimny hnydom do serbskeho natwarjaceho dźĕła. Nawjedowaše mło- dźinske dźĕło w Domowinje a z tym brigadowanja při twarje Serbskeho domu. Z 1. 1949 skutkuje jako swo- bodny spisowaćel. Z jeho pjera znajemy mnoho lajskich hrow, krotkosce- now, basni a nowelow. Zbĕrce nowelow stej ,,Stara Janĕowa" a ,,Prĕnja brozda“, zbĕrce basni ,,Do nowe- ho časa“, ,,Swĕt budźe rjeńši“. Jurij Brĕzan je tohorunja wudał ,,Wubranu zbĕrku basni J. Barta Ćišinskeho", zhromadnje z M. Nowakom je wudał wubranu zbĕrku ,,Handrij Zejłer“. Dale je tež přihotował antologiju serbskeho basnistwa ,,Serbska pĕseń“, kotruž je přełoženu do nĕmĕiny wudał pod titulom ,,Sorbische Lyrik“. Jeho nowele a nĕkotre basnje wuńdźechu w knize ,,Na mjezy rosče žito“. Tuta kniha wuda so tež w polskej, bołharskej a rumunskej rĕči. Jednotliwe nowele a basnje buchu do rušćiny, chinšćiny, francošćiny, čĕšćiny, rumun- šćiny, danšćiny a finšćiny přełožene. Roman ,,52 njedźel wjerći so lĕto“ wuńdźe nimo w nĕmčinje tež w polšćinje a bołharšćinje. Filmowy scenarium po namjeće romana spisany, přihotuje so za ćišć w serbskej rĕči.